Zëdhënësi i Qeverisë, Përparim Kryeziu ka konfirmuar takimet e kryeministrit të Kosovës, Albin Kurti në Bruksel, i cili të martën do të shkojë për një vizitë dy-ditore.

Kryeziu tha se Kurti do të takohet me presidentin e Parlamentit Evropian, David Sassoli, si dhe presidentën e Komisionit Evropian, Ursula von der Leyen. Po ashtu ai do të takohet edhe me shefin e Diplomacisë Evropiane, Josep Borrell.

“Shfrytëzoj rastin të ju njoftoj për vizitën e kryeministrit në Bruksel. Ai do të udhëtoj të martën dhe do të ketë një vizitë dyditore. Do të ketë takime të rëndësishme. Me presidentin e PE dhe KE, përfaqësues e lartë Borred dhe komisonerë të tjerë. Ai do të takojë edhe kryeministrin e Belgjikës. Kurti do të jetë bashkë me ministrat Bislimi dhe Gërvalla”, u shpreh ai.

I pyetur për vizitën e Kurtit dhe votimin në Shqipëri, Kryeziu ka thënë se kryeministri e ka shfrytëzuar të drejtën e vet për votuar.

“Për kryeministrin Kurti Shqipëria ka një vend të veçantë. Kritika për të më shumë ka të bëjë me bindjet e tij sesa me veprimin e tij sepse edhe shumë qytetarët e tjerë u bënë pjesë e votimit atje”, ka shtuar ai në një konferencë për medie./arbresh.info/